Mia, Nīkau, Nina - he ingoa Māori, he kupu rānei?

updated

Ko ngā ingoa pēpi i kaingākaunuitia i te tau 2019 kua puta, ko Mia, ko Nīkau hoki ngā tino o ngā ingoa Māori. 

Heoi, kei te tarewa tonu mēnā ko ēnā momo ingoa e tapaina ana, he ingoa Māori.

I te rārangi ōkawa o te tau 2019, ko ngā ingoa Māori i kaingākaunuitia kua huaina, ko ētahi o ēnei ingoa e noho tonu ana ki te rārangi mai i te tau ki muri, ko Mia, ko Aria, ko Nikau, ko Manaia anō hoki.

Engari he ingoa hōu kua āpitihia ki te rārangi, ko Taika, ko Aroha anō hoki, tērā pea nā te Pirimia, nā Jacinda Adern i pērā ai nō tāna tapa i tāna pēpi ki te ingoa Neve Te Aroha.

Ahakoa te kī a te mātanga reo, a Tāwhirimātea Williams, ehara a Mia i te ingoa Māori, he kupu Māori kē, kei te tihi tonu ia o te rārangi ingoa Māori.

Ko tētahi kitenga anō, ko ngā tino ingoa Māori e rima o te tau 2019, he ingoa kōhine katoa.

Ko ngā ingoa e rua pīhono o Mia-Aroha Hurrell kei te rārangi e mau ana, e whakamānawa ana i te aroha o te māmā ki tāna tamaiti, i roto hoki i te reo Itāriana.

"I named her that because Mia is Italian for my and Aroha is love and she is my love," te kī a te māmā, a Tui Kaumoana.

Ngā Tino Ingoa Māori 10 o Ngā Kōhine 2019

  • Mia
  • Aria
  • Maia
  • Amaia
  • Nina
  • Manaia
  • Kaia
  • Aroha
  • Tui
  • Ataahua

Ngā Tino Ingoa Māori 10 o Ngā Tāne 2019:

  • Nikau
  • MIkaere
  • Ari
  • Manaia
  • Mateo
  • Te Ariki
  • Taika
  • Ariki
  • Kauri
  • Rawiri

Pūrongo anō -