He pakanga nui taioreore ki te Taitokerau, i whakarauika atu ai te tini ki te taiwhanga o Kaikohe ki te mātaki i ngā kapa toa o te Taitokerau e pakanga ana mo ngā taitara rīki toa o te tau. Nō reira ko wai i hua, ko wai i tohu?
Tutū ana te puehu o Moerewa Tigers, ka au ake ki te whakataurite i ngā tatau tuatahi o Muriwhenua Falcons. Kāore i roa ka urupare atu a Muriwhenua, ka piki ake anō ngā piro ki te papa tātai.
He piro tuarua ki a Moerewa i te wāhanga tuarua heoi kare i nawhe, ka haukerekeretia rātou e Muriwhenua Falcons. Toru tekau ma waru ki te tekau ngā tatau.
He tā te kaitautoko o Muriwhenua a Hone Harawira, “Ko te mea nui kua timata mātou, koira te mea nui. Ora pai ana ngā karapu katoa i timatangia ana i te timatanga o te tau tae noa ki tēnei rā. Kua tae atu ngā tino tīma ki te whakataetae mutunga kei konei ngā hapori katoa kei roto i te taitokerau hei tautoko i te kaupapa. Horekau i tū atu i te pai o tēra.”
Ki te tukinga Premiere, tūtūru he pakanga rae ki te rae i waenga i a Pawarenga Broncos me Kaikohe Lions. I piro tuatahi mai ko te iwi kāinga.
Haruru ana ngā nohoanga i tēnei piro a Pawarenga heoi i te mutunga ko ngā raiona o Kaikohe i toa. Tekau ki te ono ngā tatau whakamutunga.
He tā te kaitautoko o Moerewa a Billy Slade, “It's been awesome for everyone involved. Big ups too Hone our manager Ken, Dave Bristow, Matiu, everyone that's involved from Muriwhenua all the way down to Moerewa it's been awesome, awesome comp.”
