Kua pahure kē te rā o Waitangi engari e kī tonu taua kāinga e te tangata i tēnei rā, i te taenga mai o ngā manomano tūruhi mā runga kaipuke, hei hāpai ake i te ohanga o te rohe.
Hei tā Anika West, “E rima ngā rōpū kua kii mai ka hoki mai rātou, ā, kāore anō rātou kia tae atu ki te taone. He mea pai tēnā."
He mākete e whānui haere ana. Neke atu i te whā tekau ngā kaipuke katoa kua ū mai ki Waitangi i tēnei raumati me te aha, kei te takiwā o te ono tekau ma rima mano ngā pāhihi o runga me te matapae, he tata ki te toru tekau miriona taara te hua ki te ohanga o te rohe.
Hei tā West anō, “He nui rawa atu te hua, ā, ki te whai pūtea ngā pakihi o Paihia, ka toro atu taua painga ki te katoa o te Tai Tokerau."
