Nā wai i hē, kātahi ka hē kē atu te kaingakoretanga

E karanga ana ngā kaitaute i te hunga kaingakore ki Tāmaki Makaurau kia tika ai ngā rautaki hei painga mō te hunga moe tiriti. E whakapae ana a Hurimoana Dennis rāua ko Debbie Munroe, kua hē katoa te whakatau kia mauheretia te hunga moe tiriti.

E takariri ana ētahi ki te whakaaro, kei mauheretia te hunga moe tiriti:

"Ki au nei ko tā rātou tino mamae, raru nei, ko te rangirua. He mauiui ake te wairua, te hinengaro o te tangata."

Ko tā te heamana o Te Puea Marae Manaaki Tangata, tā Hurimoana Dennis, nā wai i hē, kātahi ka hē kē atu, ka mutu, me tautokohia tērā hunga.

"Ko taku nei tino whakaaro, ko tēnei te mana, te mahi ake a te district health boards. Kei a rātou te tikanga mō tērā nā te mea ko tērā te ture pākehā."

Ko Debbie Munroe tētahi o ngā kaihāpai matua i te hunga kaingakore ki Manurewa, e whakaae ana ia ki ngā kōrero a Dennis.

I puta ngā whakatau mō te whā tekau mano kainoho ki Aotearoa e noho taumaha ana, ā, ko te matapae a Munroe, kei te tipu tērā tatauranga.