National announces $1Bil dollar housing infrastructure fund

Heta Gardiner

Tika tonu i akiaki, i akiaki, i akiaki te marea, aa i te rānei i konei i te hui ā-tau o te Rōpū Nāhinara, whakautuhia ā rātau karanga. He kotahi piriona tāra ka whāngaihia ki ngā kaunihera huri noa ki te āwhina i a rātau ki te whakatakoto whare. Engari i mua i te hūrō o te marea, me mōhio tātau ēhara tēnei i te koha noa, ā, he here kua tuituia ki tēnei pūtea.

I uru te pirimia ki te rongo o te harikoa o ngā kaitautoko.

Aa i tana taenga ki te papa kōrero, he kaupapa i puea ake, ka pakipakihia, e te tini.

Hei tā John Key, “The government has decided to set-up a $1bil housing infrastructure fund.”

Koinei te whakahoki a te Kāwanatanga ki ngā tini āwangawanga a te marea, e pā ana ki te ngā whare. Kei te ito o te kaupapa nei, ko te tuku pūtea ki ngā kaunihera ki te āwhina i a rātau ki te whakatakoto whare. Ko Ōtautahi, Tāmaki Makaurau me Tauranga ētahi o ngā rohe kei te whakapaetia ka whai hua i te kaupapa nei.

Ko tā Key, “It's a big response, but a necessary response if we're going to see the development of infrastructure at the speed that the government wants to see that.”

Engari ehara tēnei i te pūtea ka tākohatia mō te aroha noa. Ko ngā pūtea katoa ka hoatu te kāwana, ka whakahokia ki a rātau e ngā kaunihera a tōna wā.

Hei tā Nick Smith “The councils do need to show that this investment of a billion dollars is going to deliver more housing.”

Ahakoa tērā, kāore ngā kaunihera e tohua ki te utu i ngā utu tāpiri. Noreira kei te whakahokia te katoa o ngā pūtea, engari kei te ngau tonu ia i ngā pūkoro o ngā kaiutu take.

Ko tā Bill English, “That will be a relatively small cost. The important thing for other tax payers to know is that this money will be paid back.”

Ko ngā rohe, e kaha whakawhānui ana te maha o ngā kainoho noa, ka āhei ki te tono i te pūtea nei.