Kei tuawhenua te hapori o Pamapuria, kei te tonga o Kaitaia, he wāhi poipoi i ngā 'kīngi' me ngā 'kuini' o te mahi kapa haka ki te eke panuku.
Ko te tumuaki tuarua ō-mua o te kura o Pamapuria a James Robertson Parker, nāna i whakapārure i ngā tamatāne mā te mahi kapa haka mō te tekau tau te roa.
He aha te take i pēnei te roa o āna mahi tūkino? I pēhea tana tutuki i ngā mahi nei ki waenganui i ngā whānau me ana hoa? Me pēhea te whakaora anō i te hapori mai i ēnei tūkinotanga?
He whakatūpatotanga tēnei mō ngā hapori o te motu, kia kore ngā mamaetanga o Pamapuria e hua anō ki wāhi kē.
I haere a Jodi Ihaka ki te Tai Tokerau, ki reira kōrero tahi ai ki ngā wāhine o te hapori, rātou e whakapau kaha nei ki te mau ki o rātou ahurea, ki a rātou tamariki, ki a rātou tamatāne hoki.
