Ko ngā tikanga o iwi i rukua e ngā tamariki rima rau neke atu, i te taiopenga One Love Polyfest i Pā Harakeke.
Ko te ia o te hui nei he whakakotahi i te hapori me te whakanui hoki i te mana o ngā tikanga, o ngā iwi o moutere kē.
I whakarauika mai ngā tauira o te rohe whānui o Heretaunga ki raro i te tuanui kōtahi ki te whakawhanaunga.
I tīmata tēnei taiopenga i te korekore, engari taka mai ki tōna tau tuarima, kei te tipu haere tonu. Nā te whakanui i te ahurea o tēnā, o tēnā o ngā iwi moutere ngā waiata me ngā kanikani o iwi kē i ora ai.
Ko tā ngā kaiwhakahaere kōrero, he painga nui tō te hui e whakanui ana i ngā tū rerekē i waenganui i te hapori, kia hāpai ai ngā tāngata o Pā Harakeke.
He kaupapa mā ēnei taiohi kia whakamana ai rātou i a rātou anō, kia mōhio ai anō nō hea rātou, e taea ai tō rātou tū rangatira.
