E oati ana te Kāwana Tianara hōu o Aotearoa ki te whakahōnore i te hononga ki waenga i te Karauna me ngāi Māori i raro i te Tiriti o Waitangi. Koia tā Kahurangi Patsy Reddy i tana kauhau tuatahi i te rā nei i tana whakaoatitanga ki te whakakapi i te tūranga o Tā Jerry Matepārae.
Ko te takahitanga tuatahi, a Kahurangi Patsy Reddy ki Pāremata hei Kāwana Tianara. A ko te reo tuatahi i maringi mai i ngā ngutu ko te reo Māori.
A ko te iwi Māori me ana motika hoki i te mata i ngā whakaaro.
“I will respect and honour the unique relationship between the crown and Māori, enshrined in our founding document, Te Tiriti o Waitangi.”
I whakaeke mai te tini ki te whare pāremata i tēnei rā. A he wāhi ki ngā tini pekanga o te kaupapa i kitea. Ko ngāi Māori i whai wāhi.
Ka whakakī a Kahurangi Patsy Reddy i ngā hū nui o Tā Jerry Mateparae. Ko ia te wahine tuatoru ki te mau i te tūranga nei.
Kō tā te pirimia i arohia te ira o te tangata, “When I announced her appointment I said that New Zealand is well regarded for gender equality having been the first country to give women the vote. Dame Patsy's appointment sends a strong message about how much New Zealand values women in leadership roles.”
Ko te hui tuatahi a Kahurangi Patsy hei kāwana Tianara, ka tū ki Pōneke āpōpō ki te whakanui i ngā pirihimana kua mene atu ki te pō.
