New intake of 20 to move into Hato Petera hostel, Whakaruruhau

Ko te manako nui a tētahi o ngā tauira ōmua o Hato petera kia whai whare whakaruruhau ngā tauira nō te motu ki tōna kaupapa Hato Petera Leadership Academy. Ko Lance O'Sullivan me tana rōpu MOKO Foundation tērā e koke whakamua ana tēnei kaupapa. Kei a Tema Hemi tēnei purongo.

Ka mate kāinga tahi, ka ora kāinga rua. I whai wāhi atu ngā tauira rua tekau nō ngā kura o Muriwhenua ki te tutaki haere ki te hunga kei i ā nei rātou te mahi nui ki te  whakatinana i te moemoeā. Ka tuwhera te whare Whakaruruhau a te Huitāngaru hei te tau e tū mai nei. Ko te mahi ngātahi a te Hāhi Katorika, te hapori o Hato Petera, Te Tāhuhu o te Mātauranga, ngā kaitaunaki ā putea me te wairua o te atua ka tū motuhake ai tēnei kaupapa. 
 

Ko tā te kaihautu o te rōpu Moko Foundation a Tākuta Lance O'Sullivan, "He mea mīharo ki ahau nei, kua tatu mai nei ngā tama o te kāinga ki te āta titiro me te āta whakarongo ki te oatitanga kia hūnuku mai ki Tāmaki ki konei whiwhi mātauranga nui, ka titia te tautoko nui ki a rātou koira te mahi nui o tēnei kaupapa. Nō mai rā no a Hato Petera he kura katorika nōreira kei te kimi mātou i ngā tama e rārangi mai nei ki aua matāpono."

Ko tā Michael Butler o te Hāhi Katorika, "E tino hīkaka ana mātou hēoi he nui tonu ngā mahi kei mua i te aroaro."

Ko tā tētahi tumuaki ōmua a Tā Toby Curtis, "Nō mai rā no a Hato Petera he kura katorika nōreira kei te kimi mātou i ngā tama e rārangi mai nei ki aua matāpono."