He mātanga o te whare wānanga o Tāmaki Makaurau kua tohua e te Pirimia hei Kaitohutohu Pūtaiao Matua. Ko tā Ahorangi Juliet Gerrard he tuitui i ngā tini kaipūtaiao o te motu kia mātai ai he aha ia ngā painga o taua ahu-rangahau mā te motu.
Ko te tikanga e wha ngā rā e toi ana ki te whānautanga mai o te pēpi hōu o Te Pirimia, o Jacinda Ardern hēoi e pīkau tonu ana ia i ngā mahi.
Ko tā Pirimia Ardern kōrero, "He rōpu putaiao to mātou mo ngā tau maha kua pāhure i te mea hoki he kupu āwhina tō rātou hei akiaki i a mātou i a mātou e hanga mai ana i ngā pūnaha ture, me te mōhio tōtika i ngā whakamahuki me ngā whakataunakitanga hei āwhina i a mātou."
Mā Ahorangi Juliet Gerrard te kāwanatanga e tohutohu i a rātou e hanga ana i ngā kaupapa here mō ngā take āhuarangi me te huakita ngārara.
He ai ki tana kōrero, "Kei te āwangawanga ngā iwi mo ngā take whakahaumaru, ngā take, te āhua o ngā rangi me ngā take taiao. I kite au i te niu pepa i tēra rā he karanga mā te kaitohutohu putaiao ki te tiro atu anō ki te take mātai iringa e whakapae ana au he take ka whakarewa mai anō."
Ko tā te Pirimia hoki, "He nui ngā take mā te kaitohutohu putaiao me tana rōpu ko te nuinga o ngā take arā ko ngā take o te wā. Ko te āhua o ngā rangi, ko te huakita ngārara, ko ngā take nui e hāngai ana ki te taiao me te putaiao me whai i a rātou kupu āwhina."
I oti i ā ia tana tohu kairangi mo te matai matū me te matai matū koiora ki Te Whare Wānanga o Oxford. Ko tana māhere inaianei kia whakarongorua atu ki nga kaiputaiao ki te rapu kōrero he aha rā ngā painga mā te motu.
Ko tā Ahorangi Gerrard, "Ko te tino tumanako me whai i ngā ahuatanga putaiao, kia timata ki te kōrerorero ki ngā tini tāngata ā ka mauria mai o rātou tirohanga mo ngā tini kaupapa hei wānangatanga mō mātou ko taku rōpu."
Ko te Ahorangi Tā Peter Gluckman kei te heke i te turanga nei, ā, he nui āna kupu āwhina.
Ko tā Ahorangi Gerrard anō, "I whai wā ia ki te kōrero mai ki ahau ā he tino matatau ia."
He tīma ka mahi ngātahi me Ahorangi Gerrard, me te manako ia he nui ngā hua ka puta i āna mahi hei hemahema atu i ngā painga mō Aotearoa hei ngā tau e tū mai nei.
