New research links marijuana to premature births

Talisa Kupenga

E hurō ana ngā rātonga hauora Māori i ngā hua rangahau hōu mō ngā pānga o te momi tarukino ki te wahine hapū.  E ai ki aua whāinga, mō ērā wāhine ka kai tarukino tonu i a rātou e hapū ana, ka tūpono ake te whānau kokoti tau mai o te tamaiti.

Ko te kaitarukino he mate ka pā ki te wahine hapū, e ai ki a Ken Kerehoma he kaimahi hauora ki Whare o Odyssey.

“Ia ra ia ra i te po i te ao i hou mai nga māmā e kopu ana ki tenei whare. Kaha ana ratou te momi tarukino.”

Hei tā te rangahau Screening for Pregnancy Endpoints he kaha ake te mōrearea ka whanau tōmua mai nga pepi ina ka momi tarutaru a māmā.

E ai ki te kairangahau a Ahorangi Lesley McCowan, “That’s a birth less than 37-weeks and that’s important because these babies are more likely to die after birth and to have long term health problems when they grow up.”

E toru mano nga pepi ka whanau moata mai ia tau. Neke atu i te rua rau o enei pepi ka puta tōmua na te momi tarutaru a mama.

Hei tā Ahorangi McCowan, “One of the scary things that we identified in this study was that some women use marijuana to help with morning sickness and it is really important that we discourage that practice.”

Hei tā Kerehoma me patu ko te whakamā.

“Kaua whakama, kaua e mataku. Me korero. Me korero. He tino kaupapa tenei. Kaua e huna tenei ngangara i to kapata. Whakahuakina mai.”

Ko te tumanakao ma tenei rangahau ka hua ko te pai mo nga mama e whai pepi.