Ngā Manu Waiata crowned Australian Kapa Haka Champions

I te whakataetae ā-rohe o Ahitereiria ki Te Urupū ko tā mātou karere a Mātai Smith e kapo ake ana ngā whakatau whakamutunga. Kua hono arorangi mai a M, tai mai i Te Papaka a Maui.

Hei tā Mā tai, “E rua ngā kapa haka kua whiriwhira hei whakakanohi i te rohe nei o Ahitereiria hei te tau rua mano tekau ma whitu ki roto o Ngāti Kahungunu. Ko tētahi o aua kapa ehara i te tauhou ki Te Matatini, engari ko tētahi atu, āe marika he waewae tapu.”

Haruru ana te papa tēwaewae i ngā mahi a ngā kapa e whitu e whakapau werawera ana mō te hemo tonu atu. Heoi, kei tēnā kapa, kei tēnā kapa tō rātou ake kaupapa.

Ko tā Te Mauri Maniapoto – Turanga Ake, “Raupatu tangata, raupatu whenua, raupatu mana, no reira koira te tino matu o te kōrero.

“He kapa mata waka matou, so from all over the place, toenails in every corner of New Zealand. So yeah we're just here to whakanui i te ra and have a good time,” tā Matt Paki – Manawa Mai Tawhiti.

Hei tā Jerome Te Peeti – Te Raranga Whanui, “Pai ana ta matou tu. I muri i te tu kei te tino mataku matou engari a te mutunga kei te hari koa tatou.”

“I kawea mātou kia haere mai kia mōhio rātou te tū ki runga i te papatuawaewae, ana koira te mea nui,” ko tā Rawiri Toko – Ngā Huinga Tumanako.

Tā mau Parata – Ngā Toki Pounamu, “Koinei ta mātou tū tuatahi, tekau wiki mātou kua parakatihi nā reira kua ohorere katoa te ngakau.”

Ko tā Selwyn Parata – Hemana o Te Matatini, “Maru ana ngā kapa, ētahi taima tahanga ana, engari i tēnei wā, maru ana ngā kapa i te tane me te wahine. Ngā kaupapa o a rātou waiata, o a rātou haka, ka mutu pea.”

Hei tā Muriwai Ihakara – Kaiwhiriwhiri, “Kua whakawhanake i roto i nga tau, e hia ke nei kua huri ki muri anei ratou me kii ra, ko Ahitereiria tenei e ngunguru ake nei, ana.”

Heoi oti ai te rū a ngā kapa, e rua ka tohua mō Te Matatini

Ko tā Tawhairiri Taiatini – Te Kuraroa, “Yeah nah it was a good experience for everybody. There’s a lot of first time performers here, hold fast to what our people have taught you back home.”

Tā Manaaki Rawiri – Ngā Manu Waiata, “He maha ngā rā whakapau kaha, whakapau kaha, whakapau wera koinei te mahi, kia tutuki ai ēnei mahi.”

Nāreira hei te Matatini waiata anō ai Ngā Manu Waiata nei me te Kuraroa.