Kōhatu Whakamaharatanga i Te Whare Māngai Kāwanatanga o Aotearoa ki Dili mō rātou i mate. Kei te whakaahua: Rangi Maniapoto (muri, pū) rāua ko Anaru George (matau). Whakaahua/Kōnae
E rua tekau tau ki muri nei, he iwi hōu i whānau mai i Āhia whakateraki i Ahitereiria, ko Timor Leste. Nā tētahi whakataunga ā motu a te UN i mana ai tōna wehenga motuhake ake i Initonīhia i te tau 1999, heoi he ara i pania e te mate, e te riri.
I waenga i te 1999 ki te 2002, nā Aotearoa te 6,000 tāngata i tuku ki Timor-Leste, he pirihimana, he āpiha mana ārai, āpiha ara poutama hoki - te nuinga o rātou, he Māori.
Ko Te Ao with Moana i haere ki Timor-Leste ki te whakanui i ngā mahi a te pirihimana Māori, a Rangi Maniapoto, i tū tūao hei kaihohou i te rongo mā te UN me ētahi atu, nā rātou i āwhina kia tū motuhake ai te iwi.
I reira, i kōrero mātou ki a Anaru George, he pirihimana Māori i Timor Leste, he tata ki te kotahi tau ia i reira e hāpai ana i ngā mahi Pirihimana i ngā Hapori, he Kaupapa Āwhina nō Aotearoa.
Whai muri i te huranga o tētahi kōhatu whakamaumaratanga i Te Whare Māngai Kāwanatanga o Aotearoa ki Dili, i kōrero hoki mātou ki a Ron Mark, tō tātou Minita Kaupapa Waonga.
Part 1 - Rangi Maniapoto (UN Kaihohou Rongo)
Part 2 - Anaru George (Pirihimana i ngā Hapori)
Part 3 - Ron Mark (Minita Kaupapa Waonga)
