Ngā Pū Kōrero competition develops future leaders

Ka whai wā motuhake te whakataetae kauhau o Ngā Pū Kōrero o āpōpō a te Rōpū Wāhine Māori Toko i te Ora. Kei te rerekē te tikanga kia tū kē whakataetae i mua i te whakatūwheratanga o te hui ā tau, kia kaua e haere ngātahi ai.

He wāhanga nui tō 'Ngā Pū Kōrero ō āpōpō' ki roto i te hui a tau o Ngā Wāhine Māori toko I te ora, engari anō mō tēnei tau.

Hei tā tētahi mema o MWWL ki Tāmaki Makaurau a Hineamaru Ropitini, “I ngā tau i muri, he roa te rā mo ngā kuia o mātou whānau, ā, inaianei ki raro i te korowai o Te Wānanga o Aotearoa he waimaria ana mātou o Tāmaki Mākaurau he huaki ō rātou kūaha.” 

Toru mano ngā mema o te rōpū, ā, ko te manako a ēnei kaikōrero kia noho tēnei wāhanga hei papa whakaputa i ō rātou whakaaro me ō rātou āwangawanga. 

E ai ki a Kapurangi Wilson mai te Te Wharekura o Te Rau Aroha, “He rawe te mutunga mai o te pai!”

Hei tā Wikitoria Ririnui mai Te Kura o Matapihi, “Koinei te tau tuatahi kua uru atu ahau ki roto i tēnei kaupapa he mea ohorere kia tū ki roto o tēnei ki roto o Mangere hoki.”

Whā tekau tau nuku atu ko tā te rōpū he kaupapa tēnei ka noho hei huataki ake i te hui. 

“Kei konei mātou hei whawhai ki te hiki haere i ngā pū kōrero i te taha o Ngā Manu Kōrero ko tēra tētahi o ngā maunga, ko tēnei tētahi atu o ngā maunga,” hei tā Ropitini.

Ka timata tūturu te hui ā tau o ngā wāhine Māori Toko i te ora āpōpō, ko te pōhiri ki Orakei Marae, Tamaki Makaurau.