Ngā Ringa Raupā - Taumata Soloman

Ko te whetū o Matariki ka whakanuia i tēnei pō e ai ki ētahi he rangatira rangatahi, he kaihaka, he kaiako, ā, he kaiwhakapakari tinana anō hoki.   Kei te hāpai a Taumata Soloman i te hunga taitamariki e rapu haere ana i tō rātou ao Māori.

E ai ki a Taumata Soloman, “Te kapa haka, koira ko te mātāpono o taku mahi, o taku oranga i tīmata mai i konei i tēnei marae Mātaatua.”

Hei tā Dan Vaka, “Ko Taumata Soloman e auwarea, ki tāna e whai ana, ahakoa tērā te kapa haka, te mahi kaiako, ānga mahi i roto i tana whānau, koia tērā e kaha hāpai, e kaha whakataukī i tērā mahi e tutuki ai tērā.”

Ki tā Taumata Soloman, “Tēnei mea te ako tamariki, kua waru tau inaianei au e mahi ana i tēnei mahi.  Ana, ko te rerekētanga o taku mahi ki ngā kaiako o te ao Pākehā, ko aku tauira, ehara rātou i ngā tauira, he noho, he mahi, he whakarongo i ngā wā katoa, ko rātou mā, ko ngā Māori, kāre i te mōhio he Māori rātou. 

I whānau mai he Māori, engari kāre anō kia whāngaihia te Māori.  Nā taku hiahia ki te whakaako i ēnei tamariki ki ngā momo o a rātou tīpuna.”

Ko tētahi mea e tino hiahia ana, me whāia e au ko te tū ki te Marae, kua āhua noho pōhara te Marae a Kākanui ki te wā kainga, engari ko te pātai kei te ngutu pea o aku kuia, o aku koroua, mā wai e tō, ma wai te Marae e waha.”

E ai ki a Vaka, “He Toki ia nō roto o Te Arawa, ahakoa nō Tūhoe, he toki ki roto mai i tōku ake iwi o Te Arawa, kaore ia mō te whakahīhī, ko ānga mahi, ko ōna pūkenga ka tuaritia e matomato ai te tangata te iwi rānei i roto i tēnei ao te korekore.”