Nō te rangi nei pakaru mai ai te riri i waenga i ngā kapa tāne takiwhitu mō te tūpono eke ki ōna whiringa toa āpōpō. Kei te ihu o te papa tātai ngā kapa o Aotearoa me Ahitereiria, ā, he nui atu anō te pakanga mō ētahi karanga tahi e tākaro ana mō ngā tahi e rua o te Tāhimana.
He whanaunga a Kevin Bell rāua ko Leon Tauariki i te kainga, heoi he hoariri i te kōti.
Hei tā Kevin Bell no te Kapa Tāne Aotearoa, “We've played each other in the past. I know Leon is more about speed, he's lacking a bit of height in there so it's making sure that I keep up with that speed if we probably play against each other as well.”
He tuatahitanga tēnei ma te nuinga o ngā kaitākaro i te kapa tāne Aotearoa ki ngā ipu o te ao, heoi e matapaetia ana ka eke ko ngā toa ō-mua a Ahitereiria me Aotearoa ki ngā whiringa toa.
Hei tā Marutawhao Delamere te Kaiwhakataki o ngā whaktaetae, “Ko te kapa tāne e noho pai ana i tēnei wā kotahi anake tō rātou ngarohanga i tēnei wā engari hei te ahiahi nei ka tuki atu rātou ki a Ahitereira, ā ka kite tātou he aha ngā hua o tēra kēmu.”
Hei tā Leon Tauariki no te Kapa Tāne Ahitereiria, “The Kiwis won the six-a-side and they'll be vying for that top spot as well. The Aussies are looking to obviously get that seven's title but it will be a good match.”
Tūtūru te kōrero he pakanga rae ki te rae i a Āwherika ki te Tonga e whiore ana.
“He tino hīkaka te ngākau i te mea kaore tātou i te mōhio kō wai ka hua kō wai ka tohu. Ko te kapa ka tae mai i te rangi āpōpō, ko rātou ka eke ki taua kairangitanga,” hei tā Delamere.
Heoi i te otinga mai mā ēnei tokorua, ko te mea nui ko te aroha.
