Ngāti Hine Iwi look to present crux of claims

He iwi, i heke te toto o o rātou tūpuna hei tiaki i Te Whakaputanga me Te Tiriti, engari ka tūkinotia rātou e te karauna.  Koinei te ia o ngā kōrero ka hora ki mua i Te Rōpū Whakamana i Te Tiriti o Waitangi ki roto o Ngāti Hine i tēnei wiki.  No te ra nei ka whakatau rātou ki te marae o Tau Henare i roto o Te Orewai.

Hei tā Hirini Henare, “Ka tangoina ngā whenua ka pakarukaru ngā whare i mutu atu ka whakanohoa etahi i roto i ngā teri miraka kau i roto i ngā whare poaka.  Ko wai te tangata kahore i aroha ki ōku mātua tūpuna i perahia te tūkino e te karauna.  Tērā tonu te wero he nui kē atu to rātou whakaaro ki te kararehe.  I peratia o matou matua i konei ki Te Orewai.”

Ka takoto te manuka i te hunga rangatahi mā te manuhiri e kawe ake kia pou tēnei wiki a te taraipiunara e areare ana ōna taringa ki te huhua o ngā kereme me ngā kōrero i roto i te porowini o Ngāti Hine.

He iwi ano i roto i tōna rahi, i heke te toto o ngā tūpuna o Ngāti Hine hei tiaki i te mana o Te Whakaputanga me Te Tiriti. Na taka mai ki te rā nei, e kore rawa ngā mātua e rata ki ngā whakarite a te kawana ma tetahi ropu kē  ēnei take hohonu e kōrero e whakatatu ranei.

Hei tā Mataroria Brown o Ngāti Hine, “Na wai i teka ma te rāwaho ōku tika e kōrero.  Kei konei ano ngā iwi o roto o Ngāti Hine ki te kōrero mō ōku tika.  Engari ma rāwaho e kore au ko te tautoko i tērā kaupapa.”

Hei te ata apōpō ngā kōrero tuatahi a Ngatihine ki te aroaro o te taraipiunara.