Ngāti Paoa plan to build marae in East Auckland

E whakariterite ana te iwi o Ngāti Paoa ki te hanga i tētahi marae hou i Tauwhare Koiora ki te rāwhiti o Tāmaki.  I kōrero motuhake mai te kaiwhiriwhiri kerēme mō Ngāti Paoa, a Hauāuru Rawhiri ki a Te Kāea, he puretumu whakahaerenga tēnei i raro i tā rātou, ka tau ākuanei.

Koinei te wāhi e whakarite ana a Ngāti Paoa ki te hanga i tō rātou marae hou, i raro i tā rātou rautaki ā Iwi.

Hei tā Hauāuru Rawiri, Māngai Kerēme, Ngāti Paoa, ‘Ko te hanga whare te whiwhi mahi, ki te whakanikoniko, whakawhanake ngō mātou marae.  Nā reira, i runga anō i tērā, kei te whaiwhai haere i tērā takiwā o Tauwhare Koiora, me kī Pt England.”

E rua heketea te rahi o te whenua ka whakamahia mō te kaupapa, i raro i tā rātou whakataunga i ngā take tiriti o Waitangi..

Ko tā Rawiri,  “Ko te mea tuatahi, te whakaū te whenua, me whakahoki mai, te tuarua, te mahi ngātahi te hapori me te kaunihera, te kāwanatanga, ngā āhuatanga ka tāpiri ake, ka tūhonohono ai ki te marae.”

E toru ngā marae nō Ngāti Paoa.  Ko Wharekawa ki Kaiaua, Waiti ki Tahuna rātou ko Makomako ki Pukorokoro.  Koinei te marae tuatahi ka tū ki Tāmaki.

“I reira ngō mātou mātua tūpuna noho ai.  Ko te whakaaro o Paoa, o Ngāti Paoa, kia hoki atu kia whakanoho anō, i reira, nō reira, i runga anō i t ērā, e mōhio ana mātou te tini te mano o ngā iwi rerekē, pai ana!  Ka pēwhea a mātou hei tūāpapa, kia puawaitia ō rātou hiahia, wawata pakihi, ki aua momo katoa,” ko tā Rawiri.

Ko te whakapae o Hauāuru, kō atu i te hāwhe mīriona tāra te utu hei hanga i te marae, otia he taonga tukuiho mā ngā uri whakaheke.

Hei tā Rawiri, “He nui te utu, nā reira, ka waiho mō ā mātou nei tamariki, mokopuna kia puawaitia.”

E whakapae ana a Rawiri ka tau tā rātou whakataunga hei te marama o Pipiri.