Nō te rā nei puta ai a Raniera Sonny Tau ki mua i te aroaro o Te Kōti Takiwā o Murihiku

Nō te rā nei puta ai te rangatira o Ngāpuhi, a Raniera Sonny Tau ki mua i te aroaro o Te Kōti Takiwā o Murihiku mō ngā hamene e rua.

Mauri tau nei te wairua o Raniera Teitinga Tau 'Sonny' i te rā nei ki roto i te kōti.

I tautokongia ia e ētahi o ngā maramara nō Ngāpuhi e noho nei ki te takiwā o Murihiku, ā, i waho i te Kōti, i puta a Tau me ētahi kupu iti nei.

I kawea te kēhi nei e te Papa Atawhai i te kitenga atu i te mau i a Tau i ngā  kukupa ki te taunga waka rererangi o Murihiku i te marama o Hune.

Kua makere ngā here ki runga i a Tau tae noa ki te rua tekau mā waru o Hepetema, ki reira whakawāngia anō ai te kēhi nei.

Hoino, kua tonoa anō a Sonny Tau hai heamana mō Tuhonoruku, engari e whakaaro tonu ana ia mēnā ka whakaaetia ki te tono. 

Ko Tūhoronuku te rōpū kua whakamanangia e te Karauna hei whakatatu i ngā kereme tiriti a Ngāpuhi.

Ka puta he whakatau mō te whakatu heamana a te tekau mā tahi o Hepetema.