Nō te rangi nei heu ai tētahi toa o te kapa Warriors, a Konrad Hurrell, i ōna pahau ki te kohi moni mō Cure Kids.
I reira tā mātau karere a Te Aorere Pewhairangi Ki Te hopu i ngā nekenekehanga.
I ēnei wā taumaha mō ēnei tamariki, ko tā Konrad Hurrell he āwhina.
E heu ana a Konrad i ōna pāhau ki te kohi moni mā Cure Kids, kia menemene hoki ai ēnei tamariki.
He rōpū a Cure Kids e rapu ana i ngā rongoā mō ngā mate mōrearea e pēhi ana i ngā tini taitamariki o te motu.
Mō ngā wiki e toru kua taha nei kua noho a Konrad ki te taha mo tētahi hara tākaro, heoi kua watea ia ināianei, ā, mā te heu pea ia e āwhina.
Ā mā tēnei e tahuri mai anō pea a Maria Tutaia rāua ko Kayla Cullen ki a ia.
