Nurses rally to have their voice heard

Ka pōti tonu ngā nēhi ahakoa ngā mahi ā te rōpu whiriwhiri ā te kāwanatanga kia āhei rātou te whai whakatau i ngā take whiwhi pūtea ki ngā nēhi. I taupatupatuhia e ngā mema ā Te Rōpu Nēhi o Aotearoa puta noa i te motu, ā ka haere i tēnei wiki tonu me tā rātou whakatau ko te porotū te huarahi whakamutunga mā rātou.

Ko te take e manawapōpore ai ngā nēhi,  e kore pea ngā matapakitanga ki waenga i te rōpu whiriwhiri ā te kāwanatanga me rātou e tino whai hua. Ko te awangawanga ā ngā nēhi, e ruha e wherū ana rātou nā te nui o ngā mahi e kore rātou e tāea te whakatutuki, ā ko tā rātou hoki ka heke iho te kōunga o ā rātou mahi.  

Ko tā te korero ā Cee Payne kaiwhakahaere o Te Rōpu N`ēhi o Aotearoa, " kei te tū ngātahi ngā nēhi o te motu ki te matawhānui atu o rātou nā take kia mōhio marika te marea i ngā kaupehitanga me te whakamōhio ki te kāwanatanga i te rahinga o tēnei kaupapa."

Ko tāna anō, "ko te āputa e whaia nei e mātou, ā kia pai te noho ā ngā nēhi me te tiaki tūroro i ā rātoui i te mahi. Kia kī katoa ngā hōhipera i ngā nēhi ka tāea te mahi. Kia kore rātou e ruha e wherū nā te nui o ngā mahi e kore tāea e rātou te whakatutuki."


I roto i tētahi pūrongo ki ā Te Kaea nā te minita ā David Clarke e kīa nei, "kaore e kore i hē katoa te aronga ā te kāwanatanga tawhito me tā rātou taunaki i ngā take hauora. Kua raru katoa ngā nēhi, ngā wāhine whakawhānau me ngā kaimahi hauora katoa, Kei raro rātou e putu ana nā te nui rawa o ngā mahi ka riro me te iti noa iho o ngā rauemi."

Ko tā Clarke anō, "hei te tāhua pūtea e kainamu mai nei ka kite mai tātou e aro pehea ana te kāwanatanga ki ēnei take hauora, ā kia toitu te kauawhiawhi i ngā māhere ā mahi."