Ki te aroaro tonu o te koromatua me ngā kaikaunihera o Whakatāne takahi atu ai ngā kainoho o Te Teko.
Nā ngā ture hōu mō te wai, i tūpono kitea te matū ātenuku ki roto i ngā wai mō Te Teko me Patutātahi e tētahi kaikirimana mō te kaunihera. Ko tā te kaunihera he whakatū ara wai hōu, heoi na runga i te pūtea ko Patutātahi me Awakeri anake ka whiwhi.
Hei tā Rihi Vercoe, “Ko te wai nei kei raro kē i te whenua, ana ko ngā mīhini a te Pākehā a te kaunihera nē e tō mai ana i te wai ki runga, ana, ka whāngaihia atu te wai pai ki ngā Pākehā, ana ko ngā Māori ka whiwhi i wai paru.”
I tū ngā kaihīkoi ki te kōrero i te hui a te kaunihera. I reira ka rukuhia e te koromatua a Tony Bonne me ana kaikaunihera te kaupapa.
I tēnā oati a te Koromatua, ka noho ngā iwi o Te Teko ki te tatari he aha ka pahawa ake hei te tau hōu.
