E rima tekau ngā tūranga mahi ka riro i te tukunga o ngā whakahaere rāpihi o te rohe ma tētahi kē.
Hei tā Haami Piripi of Te Rūnanga o Te Rarawa, “E mamae ana te ngākau mō te āhuatanga o mātou nei iwi e noho mai nei ki te kāinga. He maha ngā kamupene e mahi tahi ana ki raro i te maru o tēnei kaupapa nā reira te āhua nei kua huri tuara mai te Kaunihera.”
Ki raro i te kamupene o Cleanstreams Northland kua ngātahi te iwi me ngā rōpū hapori hei ārahi i te rohe kia whakamahi anō i te whitu tekau paiheneti o ngā rāpihi.
Kei te takiwa o te whā miriona ono rau tāra te wāriu o ngā kirimana e rua kua tukuna kē e te kaunihera o te raki mā Northland Waste Limited me Waste Management Limited mō ngā tau e rima.
Hei tā Piripi anō, “Ahakoa a rātou kaupapa mitimiti tou i ngā tau kua pahure ko te āhua nei he teka katoa ēnā kōrero. Ērā pūtea kīhai tērā pūtea, kīhai tēnei pūtea e hoki mai ki te kāinga he kino rawa tēnei momo mahi.”
Horekau te koromatua a John Carter e whakautu ana a mātou waea i tēnei rā engari ko te whakaaro, he tiaki moni te pūtake o tēnei mahi a rātou.
