E ohorere ana ētahi o te hunga noho ki te tiriti o York, whai muri i te rongotanga ake, i kawea taumahatia atu tētahi pēpi, mai i tēnei kainga me ngā whara kikino ki tōna matenga i te takiwa o te tekau mā tahi karaka i te ata o nanahi.
Hei tā te hunga noho tata, ko ngā tamariki o tēnei tiriti ka tākaro ki tēnei pito o te rori, ā, ko te hunga noho ki tēnei kāinga, he whānau piri ki a rātou anō.
Hei tā te kairapuhara nō te Ope Pirihiamana mō Waikato, a Mark Greene, e tirohia ana te keehi nei hei keehi tara a whare.
E noho muna ana te ingoa o te tāne, e toru tekau mā rua tau te pakeke, i puta ki mua i te aroaro o te Kōti Takiwā o Kirikiriroa i tēnei rā, mō ngā hāmene tūkino tamaiti.
E mauheretia tonutia ana ia, ēngari ka puta mai anō ki mua i te aroaro o taua kōti tonu, apōpō.
