Paakari ana a Te Rakipaewhenua ki te Whakataetae ā-motu Poitarawhiti Hanumi

Ki te rā tuarua o te tauwhāinga ā-motu o te poitarawhiti hanumi ki rō whare ki te taiwhanga AMI o Tāmaki Makaurau i te rangi nei.

He wikitoria anō te ahua mō te kapa Te Rakipaewhenua i turaki i te tira Stormers he ono tekau ki te rua tekau mā rua ka mutu, koinei to rātou wikitoria tuawhā i te tauwhainga nei, ko te whakapae ka whai urunga ratou ki te whiringa toa āpōpō.

Ko rātou ngā toa o tērā tau kua hoki mai ki te whakangungu i te taitara toa

Hei tā Maru Delamere, “He nui nga pukenga kei roto I to matou kapa, kua takaro matou mo te wa roa, engari he maha tonu nga mahi hei tutuki I mua I nga whiringa whaiti.”

Kua wikitōria ngā tukinga e whā, kotahi tukinga he taurite te otinga ki Waitaha.

He tuatahitanga tēnei mā ētehi i te aro ā kapa o Stormers, engari ko te whakapae ka uru tonu rātou ki ngā whiringa whānui.  Engari mo Te Rakipaewhenua, ko tahi tonu te aronga.

Hei āpōpō ka mohio mena rā ka tutuki te wawata nui.