Papatoetoe poppy flourishes ahead of Anzac Day

He kaupapa na te Rōpū Hītori o Papatoetoe te whakāturanga e kīa nei "Kei Wareware Tatou" nāna nei i whakakao mai te hapori ki te hanga e toru mano ngā putiputi o te rangimarie, putiputi maumahara hoki, ka whakatō ai ki te papa rehia o Burnside, kia tū he poppy kotahi.

Hei tā kōrero a Jenny Clark, “He whakāhua, he taonga tawhito, he papa rapunga kōrero na Tāmaki Paenga Hira, e toru ngā whakakitenga "Diorama" e whakaātu mai ana i ngā pakanga o Crete, Karipori me Te Papamua o te Uru.”

Ko te ahunga mai o te putiputi poppy, i kitea i te tau tahi mano, iwa rau, tekau ma rima, koia nei te putiputi i hua ake, i tipu ake, i runga i ngā wāhi pakanga, o Flanders, ngā wāhi i hinga ai ngā hōia, i tūkarikarihia ai ngā whenua o Belgium, Wīwī me Karipori, koinei te tohu maumahara o te ao. He mahara ngau kino ki te ngakau o tēnei kaumātua tēra te Pakanga Tuatahi.

Na reira kua kitea te tino ia o te whakawhanaungatanga, na runga i te whakāro a te kotahi, ka puawai ko te kotahitanga a iwi,  mahitahi ai te katoa kia tutuki te kaupapa, koinei rā te Wairua o Anzac e ora tonu nei i Papatoetoe.