E whā tekau mā rima tau te rōpū aru tikanga tangata o ngā Polynesian Panthers e tū ana, ā, hei tā tētahi o ngā mema tuatahi rawa a Wil Ilolahia ahakoa ō rātou whakapau kaha mō te painga o ngāi porihinihia, ngāi Māori anō hoki, e noho pōkaikaha tonu ana te maha o rātou.
Mai i ngā tau whitu tekau kua kōkiri a Will 'IIolahi me ngētehi atu o ngāi moutere i Grey Lynn i ngā mōtika o ngā iwi o Te Moananui ā Kiwa me ngāi Māori. Ko tāna, ka whawhai tonu rātou.
Hei tā 'Ilolahia, “There's actually probably more need now then there was in our days. At least we've wiped out the overt racism that was quite rampant here in Grey Lynn.”
Kua mahi ngātahi te tira Polynesian Panthers me te rōpū whakahē o mua, Ngā Tamatoa, mai i te orokohanga.
Hei tā Hone Harawira, mema o mua, Ngā Tamatoa, “Te whāngaihia ngā tamariki i te taone nei. Te hāpai i a rātou i ngā kura. Kia tū ai tō mātou kaupapa mō te tiriti o Waitangi// me te tautoko i tā rātou kaupapa nui, ngā mahi tāhae i te ata pō nē, The Dawn Raids.”
E ai ki a 'Ilolahia, “[Regarding] the Te Reo petitions in the 70's- a lot of us Panthers, Pacific Islanders were actually the ones who were actually getting it out there. A lot of us were security on the land march, a lot of people don't know that I myself was arrested at Bastion Point.”
Ahu mai te rōpū Polynesian Panthers i te rōpū whakahē Mangumangu nō America e kī ana Black Panthers, i tīmata e rima tekau tau ki muri.
I whakamihia e te whetū manutīori o te ao a Beyonce i tana waiata e kī ana Formation, i te whiringa toa o Super Bowl i tēnei tau.
Hei tā 'Ilolahia, “Black lives matter is actually the present Black Panther policy. And as we can see with all the shootings, they need it.”
Hei tā Harawira, “E hikoi tahi ana i runga i te kaupapa kia ora ai ngā kaupapa o tō mātou ake ao, ngā tamariki o Te Moananui ā Kiwa.”
Kua whakatū tētehi rōpū hou e kī ana Pacific Panther Party i Te Papaioea, hei kōkiri hoki i ngā kaupapa Ngāi moutere mai, Māori mai.
