Pora's legal team stay focused following delighted outcome

Kāre i tua atu i te harikoa mo te whānau o Teina Pora, ki te rongo i te whakatau a te kaiwhakawā Kōti Pīra o te Ao mai i Rānana.

Heoi ahakoa kua turakihia ngā hara i utaina ki runga ia Pora e ngā pirihimana, mo te pāwhera me te kōhuru ia Susan Burdett i Papatoetoe i te tau 1992, e whā wiki e toe ana kia whakautu ngā pirihimana i tera whakatau.

E ai ki te tūnganē a Susan Burdett a Jim “Kia au nei ko te patai kē, na wai i mahi, a te wā ka kitea”.

Kotahi anake te huarahi e whāia ana e ngā roia a Teina Pora, ko te anga whakamua, ko te whai orangatonutanga mo ta rātou tangata me tōna whānau.

Ka tohe tonu matou kia kaua tēnei take e hoki ki te kōti.

Kua puta hiahia a te kaiārahi takirua o te Rōpū Torangapu Māori kia hangaia tētahi rōpū motuhake hei arotake i enei momo keehi, kia kore tētahi atu tangata harakore e noho hei kai ma te hinaki a te ture.