Primary School Kapa Haka regionals- Ngāti Raukawa

Ko ngā whakataetae kapa haka mō ngā kura tuatahi nō te rohe o Ngāti Raukawa tēnā i tū ki te taiwhanga o ASB i Pōneke. 12 ngā kapa i tū ki tēnei whakataetae, heoi tekau anakē ngā kapa i tū hai kapa whakataetae, ko ērā atu i tū hai kapa whakangahau. 

Hei tā Mark Bradley, te Tumuaki o Te Kura Kaupapa Māori o Ngā Mokopuna, “Kua hīkaka katoa te iwi kua tae mai i tēnei rā ki te mātakitaki i ngā tamariki, he rawe, he rā whakahirahira tēnei mō te rōhe nei mo te whanganui a tara ki Ōtaki.

“Ko ēnei ngā kura kaupapa me ngā kura auraki, ngā kura tuatahi o Te Whanganui a Tara ki Ōtaki.  Tekau ngā kapa haka katoa mai i tēnā kura, mai i tēnā kura i ngā tōpito katoa o tēnei rohe.”

Hai tā tenei kaiwhakawa a Eugene Temara, kua piki ake ngā kapa kua kuhu atu ki tēnei whakataetae

Hei tā Temara, “Kua nui, kua piki ake ngā kura e hīkaka ana ki te tū ki tēnei o ngā whakataetae.  He aha rā i pērā ai? Me kī he maha hoki ngā kaiako kapa haka e puta atu ana ki ngā kura auraki ki te whakaako i a tātou hunga tamariki.  Wai ka hua, wai ka tohu  hai te mutunga iho o te wā mo konei kai te puta mai ngā kura me kī e mōhio ana ki te hakahaka.

He hokinga mahara mo tēnei kaihaka o mua, ka mutu e kite ana ia i tōna ata i ngā tamariki nohinohi nei

Hei tā tauira Heremaia Tapiata (Te Arawa, Ngāti Porou) “Ka kite i ēnei teina e tū ana ka rongo i tētahi āhuatanga rerekē, tērā ka whakahihiko i a mātou ngā tuakana kia tū pakari kia whai ngā teina i a mātou”

Ko nga toa o te whakataetae nei ka whakakanohi i te Whanganui a Tara ki Ōtaki ki ngā whakataetae kapa haka kura tuatahi i Tūranga nui hai te tau hou.