Piripi Taylor
Tāpirihia...
Ngāti Awa , Tūwharetoa, Te Arawa
I pakeke mai a Piripi, nō Ngāti Awa, Tūwharetoa me Te Arawa, i Te Teko, i te taha o tōna kuia, a Te Poto Hotene me tōna koroua, a Horipawa Himone Teira, ā, ko te reo Māori tō rāua reo tūturu. I tīmata a Piripi i roto i ngā mahi pāpāho i te wā e tekau mā whā noa iho tōna pakeke, he kaipāpāho mō Tumeke FM – Te Reo Irirangi o Te Mānuka Tūtahi i Whakatāne. I te tau rua mano mā toru i tīmata ia i roto i ngā mahi whakaata hei kaituhi, kaihanga, kaiwhakataki hoki mo te hōtaka whakaako i te reo Māori, a Kōrero Mai. Engari i te tau rua mano mā ono i hoki ia ki ngā mahi kawe kōrero hei kairipoata, kaiwhakataki hoki mō Te Kāea. I tēnei wā ko Piripi te kaipupuri i te tohu whakataki reo Māori toa ā-Tāne, mō ana mahi whakataki i runga i Te Kāea. He tohu, hei tāna, nā te whakapeto ngoi a ngā kaimahi katoa ā Te Kāea ki te waihanga ia rā, he hōtaka toa ki te kawe kōrero mai i te tirohanga Māori.
