Wikitōria Day

Ngāi Tūhoe

I whānau mai a Wikitōria i Whakatāne.  I noho ia hei tauira i Te Kura Tuarua o Te Mānuka Tūtahi.

Kua roa nei ia e kaingākau ana ki te ao hākinakina.  Nōna i te kura, ko ngā hākinakina i kaha tākarohia e ia ko te haupoi, te poirewa me te waka kōpapa.

I puta tōna ihu i Te Whare Wānanga o Waikato i te tau 2010.  I oti i a ia tana tohu paetahi, ā, ko ngā kaupapa i whāia e ia i taua wā ko te reo Māori, me te ao pāpāho.  Ka taka te wā ka whakawhiwhia ia ki tana tohu paerua mō te reo Māori.