Raukura celebrate their kapa haka success on home grounds

He whakanui ngātahi me tōna iwi hau kāinga te mahi a Te Roopu Raukura ki Te Papaiouru Marae, i Ōhinemutu i tēnei rā. Ko Te Arawa i tukua kia piri, kia tata ki te paepae whakamānawa i ngā whakaihu waka o Te Haaro o Te Kaahu.

Mo ēnei mema nō Rakura, kua whai hua ngā mahi.

Hei tā tetahi kaihaka no Raukra a Tipene James, “Korekau he kupu, i tino hikākā te ngakau, na te,ae, na te aroha mo te kapa, ka tika rā, ae me kī kua pau ngā kupu.”

Raukura, ko ngā tauira ō roto nō ngā kura tuarua tamatāne, kōtiro o Rotorua.  Nō te tau iwa tekau mā wha i hono te rōpū ki raro i te ingoa o Raukura.  Koinei te wā tuatahi kua riro ki a rātou te taitara whakaihu waka nei.

E ai ki a Rangitihi Pene no Te Arawa, “Hoki aku whakaaro ki ngā pouako ō mua o Raukura, ko Taini tētahi, ko Joe Hakaraia, Polly Hakaraia hoki ka roa rāua e kawe ana i tēnei o ngā kapa.  Na reira he kōanga ngākau kua kitea i te puawaitanga o ngā mahi.”

I tuatahi mai a Raukura ki te wāhanga o Te Mita o Te Reo, Whakaeke, Mōteatea, Poi, Waiata ā ringa me te whakawātea. 

Hei tā te Tumuaki, Te Kura Tuarua mo ngā Tamatāne o Rotorua a Chris Grinter, “This is our point of difference we hear and see all around the world how, for New Zealanders even if they don't really acknowledge things Māori so much in their personal life's in NZ when they are overseas suddenly it becomes really important.”

Ka tiaki a Raukura i ngā taonga tae noa ki te tau tekau mā waru te wā ka tū anō te whakataetae kapa haka kura tuarua ā motu ki roto i te rohe o Rangitāne.