Sioux tribe celebrates as US Government halts Dakota pipeline

Kei te āta whiriwhiri te iwi o Sioux mena rānei ka tino āhei tonu tā rātou noho whakahē ki te paipa kōhinu ka whakatū ki tētahi wāhi tapu. Nei rā te whakatau i muri i te putanga o tētahi pūrongo a te kāwanatanga o Amerika, kia noho tārewa te hanganga o te paipa kōhinu.

Kei te whakanui ngā mema o te iwi Sioux i te whakatau a te kāwanatanga o Amerika kia whakatārewahia te hanganga o te kōhinu paipa.

Māori lawyer Kingi Snelgar told Te Kāea, “Once we realised that the administration wouldn't allow the army corp to construct on the land there was just total joy and a lot of singing and cheering and gratefulness.”

No te rā nei kua whakakorea e tētahi kaiwhakawā te tono a te iwi o Toka Tū a Sioux ki te aukati i ngā mahi hanga o te kōhinu paipa ki te raki o Dakota. E ai ki a Kingi Snelgar kua hipa te kotahi hāora kātahi ka puta mai te whakatau a te kāwanatanga, me whakatārewahia ngā mahi hanganga.

“In the short term it’s gonna be a more consideration of the consultation process and then following that it’s up to the tribe to decide whether the camp is still necessary or not.”

I hāmenehia te iwi Sioux i te rōpū Army Corps of Engineers no Amerika ki te aukati i a rātou mahi hei whakatū paipa kōhinu. Ko te mataku a te iwi ka whakararua ō rātou wāhi tapu e taua paipa ka tū ki ō rātou whenua ki te raki me te tonga o Dakota. E ai ki a Kingi Snelgar e tika ana te whakatau a te kāwanatanga o Obama.

“My perspective on it is that certainly the presence of the people here in camp and the protector’s actions over the last since April really and recent events is bought to attention the situation.”

E ai ki ngā kaiārahi o te iwi kei te haere tonu te pakanga heoi mo tēnei wā e ai ki ngā tari kāwanatanga o Amerika ko tōna tikanga me āta kōrero rātou e pā ana ki ngā whakahou tikanga kia taea e ngā iwi te whai wāhi atu ki ngā mahi whakahaere mo ēnei tūmomo hanganga.