Tau ana te mauri o te tangata whenua, arā, ko te kapa Steel, i te whatinga whakamutunga e hinga ai i a rātau te kapa Mystics i ngā piro e whā.
Ahakoa hinga ai, e māha tonu ana te Kaiako o te kapa Mystics, a Helene Wilson, i te āhua o tana tīma. Arā, ko Bailey Mes tērā i piro katoa i a ia ana tītere e 31, ā, ko Phoenix Kaka hoki tērā i angitū, e ono ana haukotinga.
Wai ka hua, wai ka tohu i te whatinga tuatoru, ōrite katoa ana ngā piro e 38-38. Heoi anō, ko te kapa Steel tērā i eke taumata anō, ā, ko rātau i mua e haere ana mutu kau ana te wāhanga, 43-39.
Ko Courtney Elliot tērā i kitea, i rāngona, e whakawehi ana i ngā kaituki i te whatinga whakamutunga o te kēmu. Mutu kau ana, ko te wikitōria ki te kapa Steel engari e ai ki a Frew, Kāpene o te kapa Steel kai reira tonu ētahi āhuatanga hai whakatika mā tōna kapa.
E tahuri ana ināianei te kapa Mystic ki te kakari i te kapa Tactix hai te Pōhina e tū mai nei. Ā, ko te kapa Steel, ka pakanga ki ngā toa o te rā, arā, ki te kapa Pulse hai te ātahipōapa ki Te Whare o Te Rauparaha ki Pōneke.
