A 'Super Sunday' for Netball

Ruth Smith

Tutū ana te ihi i te whakapuaretanga o te whatinga, ā, kitea ai hoki he aha te aha i te rauna tuatahi o te Whakataetae ANZ.  Hīnawanawa ana te kiri i te wairua pakanga o ngā whetū a Kiri Wills, i tuki atu ki te kapa Tactix nō nā pō nei.

He kaha nō te pakanga i whakaroa ai te kēmu - he tuatahitanga i tēnei whakataetae - ā, maringanui ai ngā Tactix i ā rātau whakangungutanga.  Wikitōria ai ngā Tactix 61-60.

Me pēhea hoki e kore ai te kāpene o te kapa Pulse, a Katrina Grant e mene, inā rā i whakatuwheratia te whatinga ki te wikitōria, i te whakanuia hoki tana huringa tau, otirā i whakaingoatia a ia hai kirikawa mō te kēmu.  Ahakoa ēnei āhuatanga, i mārama tonu a ia ki te ara kia koke whakamua ai tana kapa.

I raro iho i ngā akoranga o te kaiako, o Yvette McCausland-Durie, kua puta kaha mai te kapa Pulse, ā ko te hinganga o te kapa Magic e rātau te taunakitanga.  Heoi anō, he nui ngā wawata o Grant mō tana tīma, ā, e māia ana a ia ki te huatau ko te angitū te whai.

Hai te pō nei tīmata ai te rauna tuarua, ki te tukinga o te kapa Pulse, ki te kapa Steel.