Tae atu ko ngā whakapakaritanga ki Kōkiri Marae ao ake i te waipuke nui

E matapaetia ana he ua kaha ka taka tonu ki etahi wahi o te Upoko o Te Ika a Maui, ao ake i nga patapataiāwhā i pakinotia inanahi.

Kotahi te kaumatua i mate i Te Whanganui a Tara, aa, i waipuketia katoatia etahi hapori.

Ko tetahi i rongo i te taumaha ko Kokiri Marae, he whare whakaruruhau hoki mo tetahi kohanga reo, whare hauora, whare matauranga ano ra. 

Hau mai ana ko nga whakapakaritanga ki Kokiri Marae, he peke onepu hei kaupare i te waipuke. Aa me whai peke onepu ka tika, koinei te mahau o te marae inanahi, i waipuketia katoatia.

Hei tā  Catherine Messenger-Weepu, "Penei te teitei o te wai ki tenei wahi kaha matou ki te puhi i te wai kia kaua e uru atu ki te marae."

Ko enei whakaahua o roto i te marae, ko nga pera me nga matarihi i whakapamahia hei ngongo i te wai. E ai ki te marae ka whiua katoatia inaianei na te paru.

Ko tā Messenger-Weepu kōrero, "Kei te kite kei te maku tonu i roto nei. Ae, kei te maku katoa kua uru atu ki raro i te papa nei so karekau taea te whakatika i tenei inaianei. Ka pirau tena? Ka pirau ae."

Koinei tetahio nga akomanga o te kohanga reo aa kei te kite i tenei wahi paku e noho hnei au maroke tonu ana. Heoi, ko te toenga o te papa katoa e maku ana i tenei wahanga. 

E wha tekau ma rima nga mokopuna o te Kohanga Reo, i konei ratou i te urunga mai o te wai.

E kii ana a Messenger-Weepu, "To ratou harikoa oh kei te aha matou karekau taea te noho it e kohanga. He puna kauhoe kei roto i te kohanga. Ae, koina to ratou ahua tino harikoa ratou. Engari he pai taua whakaaro he pai te kite i nga tamariki e harikoa ana ki enei momo mahi na ka taea te mea atu oh ko ranginui tenei ko tawhiri tenei e taka mai te ua."

E ai ki nga kaimahi i te marae, ko te raru nui ko te ngoikore o nga manga wai i tenei takiwa. Koinei te manga mo te wahi o te marae, inanahi i waipuketia te rori ka rere totika ki te marae.

Hei tā Messenger-Weepu, "Ko tenei te ara wai noaiho a ka taea te wai te puta atu hei kawe atu ki te moana. iti, iti rawa tenei."

Kaati, ahakoa te waipuke, marakerake te kitea e kore e waimeha te aroha o tenei hapori ki tona marae me ona tini kaupapa.