E ai ki te kaipara ō mua, kaitōrangapū o te wā hoki, ki a Louisa Wall, ko te mana tōrite o ngāi wāhine i te tāne i te ao hākinakina, he kino tonu. Hei kaupare i tēnei āhuatanga, kua whakapuakitia e te kāwanatanga te rua ira whitu miriona tāra hei whakamātautau hōtaka e nui ake ai te wāhine i te reanga poutūmārō o te mahi hākinakina.
Tūtohu Funding. Ngā hua 1 - 10 o te 51 mō
Ngā hua 1 - 10 o 51
Primary tabs
Ngā hua kimi
-
He moni taunaki i te ōhanga o Te Tairāwhiti
E whakangao ana Te Tahua Whakawhanake i ngā Rohe Taiwhenua i ētahi kaupapa hei whakatipu i te ao ōhanga i Te Tairāwhiti. Koinā te whakapuakanga a te Minita Whanaketanga Ōhanga a Rohe, a Shane Jones i te rangi nei.
-
Kua eke te hapori ki tēnei o ngā pae tata
Kua kurua e te hapori o Kaiti ki Tūranganui a Kiwa, ngā mihīni petipeti mai i ngā toa hokohoko o Kaiti. Hei tā Tuta Ngarimu o Ka Pai Kaiti, āhakoa kua toa ki tēnei wāhanga o te whawhai kahore ano kia eke ki te mutunga mai o te pakanga.
-
E whakamānawa ana te ohu pakihi Māori o Matamata-Piako i te pūtea tahi ira whitu miriona hōu a te Kāwanatanga
E whakamānawa ana te ohu pakihi Māori o Matamata-Piako i te pūtea tahi ira whitu miriona hōu a te Kāwanatanga hei whakawhanake i ngā kaupapa tāpoi o te rohe. Nā te Pirimia nā Jacinda Ardern ēnei taipitopito o te pūtea whakatupu ōhanga ā-Rohe i whakapuaki i te rangi nei.
-
PūrongoNgāhorohoro ana te urupā o Mātiti i te awa o Wairoa
Kei te whāwhai ngā whānau o Huramua marae ki Wairoa kia kohi pūtea e āhei ai rātau te hahū ake me te hūnuku i ngā tūpāpaku e rima tekau mā toru i te urupā o Mātiti. Ko te whenua o taua urupā kei te ngahoro haere ki te awa o Wairoa.
-
Me tika te tahua hei whakanao i ngā rongoā hōu mō te mate pūkahukahu
I tēnei te rā kua tapa ko World Lung Cancer Day e whakahau ana te Tuāpapa Pūkahukahu o Aotearoa me tika te tahua hei whakanao i ngā rongoā hōu mō tēnei mate nui, i Aotearoa nei.
-
Whakakotahi ai ngā kaiwhakapāho Māori ki te matapaki i tō rātau anamata
He kai-pāpāho Māori kei te piri ngātahi ki te whakapūmau i te reo me ngā kaupapa Māori i roto i ngā hurihanga o te ao pāpaho. Nā te Māngai Pāho te rōpū hou nei, a Te Pae Tawhiti i whakatū, kia hīkoi ngātahi i te ao o te hunga kiritaki, ina rā ko te hangarau kei ō rātou ringaringa.
-
$46 miriona ka riro ki te Tai Tokerau hei whakawhanake mahi, whare, pakihi
Kua puta i te pirīmia, i a Jacinda Ardern te kōrero ka riro i Te Tai Tokerau te pūtea whakangao whā tekau mā ono miriona tāra te nui, hei whakawhanake i ngā tūranga mahi, ngā kāinga me ngā pakihi i te rohe.
-
Kua whakakorea te tono kia whakawhānuihia ake ai te Wāpū o Ōpōtiki
Kua whakakahore te Minita Whakawhanake Rohe a Shane Jones te tono kia whakawhānui ake te Wāpū o Ōpotiki na te nui o te utu me te whakatau e kore hoki e tāea tēnei kaupapa te eke. Ko te wawata nā tēnei kaupapa pāmu kūtai, he kotahi rau wha tekau miriona tāra te wāriu, ka whai mahi te hunga noho ki tēnei rohe.
-
Hei tā Simon Bridges he nui ake ngā hua a te rua i tā te tekau mā toru
Hei tā te kaiārahi o te āpitihanga, tā Simon Bridges nā te hauruatanga o ngā tahua pūtea Māori ka kite pea ngā kaipōti Māori kāhore ō rātou wawata e tutuki i te tekau mā toru.
