He mata rua ngā hua o te whakanikotanga mō ngā tūranga minita o Pirimia Bill English, mō ngāi Māori kei roto i te pāti. I piki a Paula Bennett rāua ko Simon Bridges ēngari mō ngā Māori kei ngā tūru o muri, kaore i tae moata mai ētahi koha mā rāua.
Tūtohu Hekia Parata. Ngā hua 1 - 10 o te 50 mō
Ngā hua 1 - 10 o 50
Primary tabs
Ngā hua kimi
-
Parata still to resolve Kura NCEA issue- Principal
He nui ngā hua kua puta ki ngā kura reo Māori i a Hekia Parata. Heoi, ko tā te tūmuaki tuarua o Te Rūnanganui o Ngā Kura Kaupapa Māori, ko tā Rāwiri Wright e tūmanako ana, ko ō rātou āwangawanga mō ngā paearu ā-motu ka ea i te Minita Take Mātauranga hōu.
-
Mā te pūtea e whakatika i ngā whanonga kino a ngā tauira i te kura?
Hei tā tētahi kaiārahi akoranga Māori, ka whai hua ngā akonga Māori i ngā taunakitanga ako, engari e rere tonu ana te pātai, ka hāpai ake tēnei pūtea hou ki te kaupare i ngā whanonga kino a ngā tamariki?
-
Ka kapi pea i te Minita Mātauranga ngā tatau o Te Kura Hourua o Whangaruru
Ka kapi pea i te Minita Mātauranga ngā tatau o te kura hourua, i utua ai te whā ira waru miriona tāra pūtea tāke i roto i tōna whakatūhanga.
-
Kua tau te toki ki runga i te kura o Turakina
E whakakapia ana ngā kuaha o te kura noho kōhine Māori o Turakina, kua kotahi rau me te tekau tau e whakaako ana i ngā kōtiro Māori kia tū tauira mai hei iho pūmanawa.
-
Me tūwhera Te Kareti o Hato Petera ki a tauiwi?
Me tūwhera ngā tatau a Hato Petera ki a tauiwi kia ora tonu te kura, koira te whakapae a Tākuta Ranginui Walker. I puta ēnei kōrero i te aukatinga o te kura noho teina.
-
Turakina
E hāhā ana te tirohanga atu o te Kura Kōhine Māori o Turakina i muri mai i te whakatau a te Minita Take Mātaurangai te rā nei, kaore anō ngā raru nui i te kura kia rongoātia.
-
E rangirua ana te oranga ki tua o te Kura Kōtiro Māori o Turakina
E rangirua ana te oranga ki tua o te Kura Kōtiro Māori o Turakina i te putanga mai o te whakatau a Te Tāhūhū o te Mātauranga, ka kati i a rātou ngā tatau o te kura nā te tokoiti haere o ōna tauira.
-
He kōrero tōrangapū e pā ana ki a Serco me tētahi kauhau mō Te Reo
Ki te kore a Serco e whakatika i tōna whare, me tūmatohi. Koinei tā te Minita Ara Poutama, tā Peseta Sam Lotu-Iiga whai muri i tāna hui tahi me ngā ūpoko whakahaere o taua kamupene i tēnei ata.
-
Kua whai whakautu a Davis mo ngā kura kaupapa hou
Kei te hiahia te mema pāremata o Te Tai Tokerau a Kelvin Davis kia whakatūturutia e te Kāwanatanga ka rite ngā pūtea ka whakawhiwhia ki ngā kura kaupapa ki ērā ka whakawhiwhia ki ngā kura auraki. Kua whakapuaki ake te Minita Mātauranga a Hekia Parata e toru ngā kura kaupapa hou ka whakatū i ngā tau e whā e heke mai nei ki Tūranganui-a-Kiwa, Whakatāne me Heretaunga, heoi ko te kounga pea o ērā kura kei te rangirua.
