E ai ki te Manatū Hauora, i matapaetia tēnei nā te piki haere tonu o ngā tūroro i te ao whānui.
Tūtohu Ministry of Health. Ngā hua 1 - 10 o te 31 mō
Ngā hua 1 - 10 o 31
Primary tabs
Ngā hua kimi
-
E takatū ana a Nehe Milner-Skudder ki te rutu i te mate whakamomori
Ko te tau kikino rawa atu tēnei o ngā tau tākaro a te Ōpango o mua, a Nehe Milner-Skudder. Kaare ia i eke ki te papa tākaro i te tau 2019 nā te auau o te ngau o ōna wharanga, ā hei tā te paehau toa nei, he wā pāhekeheke i tau ki runga i a ia, i taumaha hoki ngā whakaaro. Kua ara ake anō a Milner-Skudder, ā kātahi anō ia ka tohua hei kanohi mā te kaupapa e kīia nei ko Head First nā te Uniana Whutupōro o Aotearoa hei kaupare i te mate whakamomori. I mahi tahi hoki rātau ko te kāwanatanga ki te whakatū i te tuatahi rawa o ngā tari ā motu hei kaupare i te mate whakamomori.
-
Ka whāngai pūtea a Pharmac kia nui ake ai ngā rongoā mate totomā
Atu i te Tīhema, ka utua e te kāwanatanga te rongoā hei whakamātūtū i te hunga e kaha pākia ana e te mate pukupuku ki te pūtau toto. E ai ki a Star Olsen o Ngāti Porou, koia ka waimaria. Kotahi rā ia wiki, ka noho tūroro ia hei patu i te mate pukupuku Myeloma e ngau ana i a ia.
-
Te hīkoi a te mōrehu o te mate whakamemeke
"I thought I was an ordinary kid until I reached school - when the other school kids started to give me nasty nicknames." He mamae i ngau ai ngā maharatanga o Phillip Rudolph, he mōrehu o te mate whakamemeke i tipu ake i Manurewa, i Tāmaki Makaurau. I raru ai tana whai kia tau te noho i roto i ngā tau, nā ngā pānga kino o te mate, nāwai, nāwai ka hē haere ōna rā. I tēnei wā, he reo a Rudolph mā ētahi atu mōrehu o te mate whakamemeke.
-
He aronga Māori whānui hei awhi i ngā tūroro mate pukupuku
Nō te pākia o Rangi Mahuika e te mate pukupuku ki te ū e rua tau ki muri nei, ka mokemoke ia, ā e ai ki a ia kāore i nui te tautoko ki a ia. Nā tōna hoa te whakaaro kia haere ki te rōpū āwhina o Te Mauri i te Marae o Kōkiri, i Te Awakairangi. He rōpū e aro katoa ana ki te kaupapa Māori hei tiaki i ngā tūroro mate pukupuku.
-
Ko te reo a ngā Medavivors i kōkiri ki mua i te kāwanatanga
He hinonga karauna a Pharmac, ā, kei a ratou te mana ki te tohu ki ngā poari hauora a he aha ngā rongoa ka taunakihia e rātou. I tau ngā nawe ki mua i te Komiti Whiriwhiri take Hauora a te Kāwana kia aro mai a Pharmac ki te whakaiti ake i te utu o ngā rongoa mō te hunga e pangia ana e te mate pukupuku.
-
E aro atu ana te ture auahi kore ki rō waka ki ngāi Māori, Pasifika hoki.
He ture hōu e whakakore i te tangata te momi hikareti, hikareti tāhiko rānei ki rō motoka mehe tangata kei raro iho i te tekau ma waru te pakeke kei roto. E matapaetia ana ka pāhi te ture nei hei te mutunga o tēnei tau ā ka āhei ngā pirihimana te whakatū waka, te tuku whaina rānei.
-
Whakakorea ngā mihīni petipeti ki Te Tairāwhiti
He whakakore i ngā mihini petipeti ki te Tai Rāwhiti te hiahia a te rōpū Kapai Kaiti ina hoki ko te hapori Māori kē te papa. E whai ana tēnei i te whakakapinga o te ratonga haumanu mate waranga o Te Ara Tika, ā, hei tā te heamana o Kapai Kaitī, tā Elizabeth Crawford kua kore kē te ara oranga mō te hunga warawara ki Tūranga.
-
Kua piki ake te tāke tupeka i te tekau paihēneti
Ko te Kohitātea te marama e pokea ana a Quit Line i te mahi. Ko tēnei tāke tupeka hōu te tuatoru o ngā tāke e wha i roto i te wha tau kei te eke mai.Tokomaha ngā tāngata e ngana ana ki te aukati i te momi hikareti i rot i te tau hōu.
-
Ko 'Hang Tuff Dont Puff' he hōtaka auahi kore mā ngā wāhi mahi.
Ko te wero Hang Tuff Don't Puff te kaupapa hou kua timata i roto i ngā wāhi mahi ki te whakakore i te momi hikareti. He kaupapa i timata i ngā tau e rua ki muri e whakahaerehia ana hoki e Counties Manukau Health, me tō rātou whakapae kei te whakatutuki pai rātou i o rātou whāinga. Engari, mā ngā kaupapa pēnei i a Hang Tuff Don't Puff kāwanatanga e tāea ai te eke ki te taumata o te whenua auahi kore hai te tau rua mano rua tekau mā rima, kāhore rānei?
