Ko te whakakore i te kainga kore te whāinga matua o tētahi kaupapa whare hou i Rotorua. Ka whakarewa te minita whanaketanga māori a Nanaia Mahuta i taua kaupapa i te rangi nei.
Tūtohu Ngāti Whakaue. Ngā hua 11 - 20 o te 36 mō
Ngā hua 11 - 20 o 36
Primary tabs
Ngā hua kimi
-
Te Hui Pakihi Iwi Taketake o te Ao
E ai ki te heamana o Te Ohu Whai Ao, a Richard Jefferies, 'kei te Māori te mana ki te whakarite i ngā taura here ki te ao'. I whakatauhia ngā māngai nui o ngā whenua rua tekau mā rima i tēnei rā, e tohu ana i Te Hui Pakihi Iwi Taketake o te Ao ki Rotorua.
-
E mau tonu nei a Hakaraia Wilson ki tōna Ao Māori
He uri nō Ngāti Whakaue, nō Ngāi Tūhoe hoki a Hakaraia Wilson kua kapo anō i tētahi taitara ā motu i te whakataetae NZ Grappler inānahi. He kaimamau e tiro whakarunga ana, e kawe hoki ana i tōna Ao Māori.
-
Tumu Whakarae hōu mo Te Ope Kātua o Aotearoa ka whiwhi i te hoari o Haane Manahi
Kua whakawhiwhia ki te tumu whakarae hōu mo Te Ope Kātua o Aotearoa a Air Marshal Kevin Short i te hoari o Te Arawa hei tohu i te māia o Haane Manahi. He taonga ka riro ki ia tumu o te Ope Kātua mo te roanga ake o tōna noho ki te tūnga.
-
Te rā ANZAC he tikanga tuku iho mo ngā whānau o Ōhinemutu
Rua mano te hunga i tae atu ki te hui atahāpara o ANZAC ki Te Papaiouru, Ōhinemutu ki Rotorua. Ia tau he kaupapa e kukume nei i te hunga taiohi, pakeke hoki.
-
Ko Rotorua ka whai hua na te whakatūwhera o Kmart
He pūrau tāngata i whakararangi atu ki waho i te whare hokohoko hou o Kmart i Rotorua ēhia haora i mua i tōna whakapuare. He kaupapa whakangao nā Pukeroa-Ōruawhata i ārahi, heoi ara kē ana painga mo te hapori me ngā manawhenua.
-
Ka whakahōnore ngā Iwi me te Koromatua o Rotorua Mayor i te rangatira o Ngāti Whakaue
Ko ngā iwi o te motu, ko ngā tari kāwanatanga o Rotorua me ngā hāhi ērā te whakaeke atu ki runga i te rangatira nō Te Arawa, i a Pihopa Kingi i te rā nei. E ai ki te koromatua o Rotorua, ki a Steve Chadwick he tino kaikōkiri a Kingi mo te whai wāhi o te reo a ngā iwi ki te kaunihera
-
Ko tā ngā māngai mātātahi o Te Arawa ka ora tonu ngā akoranga a Pihopa Kingi
Ko ngā akoranga a Pihopa Kingi ka ora tonu ki waenga i ngā māngai mātātahi o Te Arawa e tangi apakura atu ana ki a ia. Kei Te Papaiouru, i Ōhinemutu te taonga o te mate e tangihia ana tae noa atu ki te Rātapu.
-
E maia ana a Ngāti Whakaue ka tū tonu tō rātou kura hourua hōu ki Rotorua
Ko te matapae a ngā rangatira o ngā kura hourua ka tīni te kāwanatanga i te tū o aua kura kia āhua motuhake ai ēra kura. Nā whai anō Te Taumata o Ngāti Whakaue ka whakatuwhera ake i tā rātou kura hourua hōu ā e whakapono ana rātou, mā taua matapae ka pakari ake ngā mahi whakahaere o aua kura.
-
Ka whakamahi ngā marae o Ngāti Whakaue i te hangarau whakapūmautanga
Kei te noho pūrua ngā rawa a Te Tarahiti Rawa o Ngāti Whakaue ki te tekau mā waru ira toru miriona tāra nō tana tīmatatanga mai i te tau rua mano tekau. Nā konā, he neke atu i te whā rau, e ono tekau mano tāra ka tuarihia atu ki āna kai-pupuri hea hei te tau e haere ake nei, ka tautoko hoki i ngā kaupapa whakapūmatanga ki ngā marae.
