Kua whakakorea e te kāwanatanga ngā whanaketanga mātauranga a motu. Koinei tā te minita take mātauranga i te rā nei. Ā e ai ki te tiamana o Te Rūnanganui o Ngā Kura Kaupapa Māori e hurō ana rātou ki taua whakatau.
Tūtohu Rotorua. Ngā hua 61 - 70 o te 248 mō
Ngā hua 61 - 70 o 248
Primary tabs
Ngā hua kimi
-
Ka akiaki ngā rangatahi ki ngā tūranga mahi hōu e 40,000 i Te Waiariki
E whai ana te Rōpū Whakawhanake Ōhanga i Te Waiariki, arā Bay of Connections ki te whakatū i ngā tūranga mahi hōu e whā tekau mano hei te tau rua mano rima tekau. Hei tā te Minita Whakawhanake i Ngā Rohe, hei tā Shane Jones, he whāinga tēnei e tautokona ana e tana tahua pūtea hōu mō ngā rohe.
-
E tohe ana ngā kaimahi o te Wāhi Puna Kaukau o Rotorua i te whakamutu mahi
E tohe ana ngā kaimahi o te Wāhi Puna Kaukau o Rotorua i te whakatau a te Kaunihera o Ngā Roto kia mahi ngātahi ki tētahi rōpū whakahaere nō wāhi kē atu, mea rawa ake, kua whiwhi reta whakamutu mahi katoa rātou. Hei tā te uniana o AWUNZ kei te whai tohutohu rātou i te ture, i te korenga o te Kaunihera i kōrero ki ngā kaimahi i te tuatahi.
-
Ka whakaawe ngā tīpuna o Te Arawa i tētahi toi matarahi hōu i Rotorua
He tuatahi ki Rotorua, te whakatū i tētahi huihuinga kōwai matarahi, ā ko ngā pūkenga o ngā ringa toi matarahi tokowaru, Māori mai, Tauiwi mai anō hoki kei te whakakitea. Tuia atu, ko ngā mahi toi matarahi a ngā tohunga mahi toi nō Te Arawa, nō Te Waiariki me tāwāhi ka hora ki ngā pakitara huri noa i te taone.
-
Ka whakahōnore ngā Iwi me te Koromatua o Rotorua Mayor i te rangatira o Ngāti Whakaue
Ko ngā iwi o te motu, ko ngā tari kāwanatanga o Rotorua me ngā hāhi ērā te whakaeke atu ki runga i te rangatira nō Te Arawa, i a Pihopa Kingi i te rā nei. E ai ki te koromatua o Rotorua, ki a Steve Chadwick he tino kaikōkiri a Kingi mo te whai wāhi o te reo a ngā iwi ki te kaunihera
-
Ko tā ngā māngai mātātahi o Te Arawa ka ora tonu ngā akoranga a Pihopa Kingi
Ko ngā akoranga a Pihopa Kingi ka ora tonu ki waenga i ngā māngai mātātahi o Te Arawa e tangi apakura atu ana ki a ia. Kei Te Papaiouru, i Ōhinemutu te taonga o te mate e tangihia ana tae noa atu ki te Rātapu.
-
E rere atu ana ngā whakamānawa mō te ūpoko akatea o Te Arawa mō Pihopa Kingi
E mapumapu kau ana ngā wai ki Muruika mō te ūpoko akatea o Te Arawa mō Pihopa Kingi kua hinga nei. E ai ki a Tā Toby Curtis, māngai nui o Te Arawa, he iho pūmanawa a Kingi, ā, ko ia tētahi i kōkiri i te whakahokitanga atu o ngā roto tekau mā toru ki a Te Arawa.
-
Ko tā te kāwanatanga, ka whai hua ngā mema o FOMA i te Tauhokohoko hōu o CPTPP
E whakatūturu ana tā te Minita Take Tauhokohoko, a David Parker, ka whai hua ngā rōpū me ngā umanga Māori i te Kawenata Whakaaetanga Tauhokohoko hōu, kua karangahia ake, ko te CPTPP. Nāna nei aua kupu i tuku i tana kauwhau ki te hui ā-tau e toru tekau a FOMA kei Rotorua e tau ana.
-
Kua pana atu ngā Kaihāpai i te Ora tokorua i tō rāua wāhi tāwharau
Kua whakatīkokihia te waka āwhina tangata ā tētahi tokorua e kaha nei ki te hāpai i te ora o te hapori ki Rotorua. Ināia tata nei i puare ai te whare tāwharau a Lara Northcroft rāua ko Wetini Mitai-Ngatai i te pokapū, engāri ākuanei ka panaia atu rāua hei te mutunga o te marama nei.
-
PūrongoKo te hōtaka taiohi hōu o Pāia kua tohu ki ngā whiringa toa o Ngā Tohu Reo Māori
Ko Maui Television Productions tētehi kei ngā wāhanga e rua o ngā whiringa whakamutunga mō Ngā Tohu Reo Māori i tēnei tau. Ko tana hotaka hōu, e kīa nei ko Pāia, tētahi kei roto i te wāhanga taiohi.
