Ko te kapa haka o Te Kāhui Huringa mai i te kura tuatahi o Whinireihana te toa whakaihuwaka hōu o te whakataetae kapa haka ngā kura tuatahi, kura takawaenga hoki o Tāmaki Makaurau. I eke Te Kura Māori o Ngā Tapuwae ki te taumata tuarua, ko Te Kura takawaenga o Henderson ki te tūnga tuatoru.
Tūtohu South Auckland. Ngā hua 11 - 20 o te 62 mō
Primary tabs
Ngā hua kimi
-
E kōkiri ana ngā kaiārahi Whānau Ora kia rahi ake te putea tautoko
Ka parea e te kawana te moemoeā a Kahurangi Tariana Turia mo Whanau Ora? Ahakoa kei te whakaro te Minita Whānau Ora ki ētahi panoni ahakoa kei te manawanui tonu ngā kaitautaunaki ka aro mai te kawana ki te whakanui ake i ngā putea te take kua whai hua nga whanau whā tekau mā rīma.
-
E kauwhau ana a Hoani Te Kaiwhakairiiri i te reo
E kauwhau ana tētahi Minita Iriiri nō Ingarangi a John Catmur i te rongopai mō te reo Māori. Kei te whakaatu atu tana haerenga i tētahi pakipūmeka poto e kī ana John The Baptist, nā ringa tohu kaihautū takirua tauhou hoki, nā Kayne Ngatoko Peters rāua ko Piata Gardiner-Hoskins.
-
Concerns over displaced South Auckland rough sleepers
He Ratonga Toko i te Ora kei te tonga o Tāmaki Makaurau e māharahara ana i te panatanga atu o ngā kai noho tiriti i tētahi papa rēhia. E whai ana tēnei i te putanga o ngā tatauranga a Te Kaute Nui o Te Mate Kāinga Kore ki Tāmaki Makaurau ki te hanga kaupapa here hei whakakore i te mate nei.
-
E noho wāhi rua ana ngā whakaaro i tau tuatahi o te kāwanatanga tūhono
E tōtara wāhi rua ana ngā whakaaro o te marea i te tonga o Tāmaki Makaurau mō te whai hua a te Māori i te kāwanatanga tūhono hōu nei. He kotahi tau kua hipa i te aranga ake o Reipa me Aotearoa Tuatahi hei kāwanatanga tūhono.
-
E whakatīnana tonu ana ngā moemoeā o Te Puea hei manaaki i te iwi
Inā te mahi nui a Te Puea Herangi i roto i te hītori o tēnei whenua. Ki ētahi i tōna wā, he kaikaiwaiū ia nā tana whakahē i tā te kāwanatanga here i te Māori kia tukuna ki te pakanga tuatahi o te ao. Heoi, ko tōna mana wāhine i ngā tau o te ono tekau, o te whitu tekau ki te hiki i ngā tūmanako me te oranga o te Māori kei te pīkauria tonutia i te marae kei te tonga o Tāmaki e whakahōnore nei i tōna ingoa.
-
E mānukanuka ana te hapori ki te tonga o Tāmaki Makaurau whai muri i te whawhai i te kura tuarua
Ko ngā kiritata o tētahi kura i te Tonga o Tāmaki kei te noho tūmātohi whai muri i te pakarutanga o te nguha ki waenga i ngā ākonga o te Kāreti o Pukerohi. He whawhai i whai pātanga ai tētahi mema kēnge.
-
Kei te whakaaro auaha ngā tauira kia tieki i te taiao
Kei te ākina ngā tauira o Tāmaki ki te Tonga ki tua atu o ngā marau ā kura, arā he waihanga rauemi hei hāpai pea i ngā take pūtaiao i tenei motu. I puta atu a Te Kāea ki te huihuinga o Tiaki Expo ki te kite i ngā mahi a ngā tauira.
-
He wāhi haumaru mā te kāenga kore
Kei te whai te hapori o Tāmaki ki te Tai Tonga i tā rātau ake rautaki whakamarumaru i te hunga pōkaikaha. Ka whakamahia te taunga pahi o Manukau hei hopuni haumaru.
-
E ngana ana tētehi iwi ki te tonga o Tāmaki kia whai reo ai mō ngā whare hōu e 10, 000
Ko Te Ākitai o Waiōhua, i te tonga o Tāmaki Makaurau kei te hiahia whai wāhi atu ai ki te tēpu kōrero i te putanga o te kaupapa a te kāwanatanga ki te whakatū kia tekau mano ngā whare hōu ki Ngā Hau Māngere. He hautoru o ēnā whare ka hokona i raro i te kaupapa Kiwi Build, he hautoru hoki ka noho hei whare kāwanatanga.