E whakarite ana te kaiako Tāroaroa Pango, a Paul Henare mō ngā whiringa whakuru ki te whakataetae o te ao FIBA Poitūkohu hei te Mahuru.
Ka tuki ngā Tāroaroa Pango ki a Hiria, Repanona me Hōrano ki tāwāhi, ki te kainga anō hoki.
Hei ngā wiki tata nei ka āta wāwahi a Henare i ngā takaro o aua whenua i ngā whiringa whakauru tuatahi ō rātou, heoi kāore ia i te matapae ka tino rerekē ki tāna i kite ai i te Asian Cup i te tau 2017. I reira takaro ai a Aotearoa ki a Repanona me Hōrano na whai anō ka mōhio a Henare ki ō rātou āhuatanga takaro.
Ko te mea e amowheke nei i a Henare ko te rahi o te rohe o Āhia, ka mutu te iti o te wā takaro i waenga i tētahi kēmu ki tētahi atu. Hei te 13 o Māhuru te kēmu tuatahi ki a Hiria ka tu ki Repanona, he āhua 30 haora te roa o te rerenga mai reira ki Aotearoa, nā ka tino poto te wā mā rātou e rite anō ai mō te kēmu tuarua ki a Repanona, i Rotorua hei te 17 o Māhuru. Hei tāpiritanga ki ngā āwangawanga ko te āhua o te pūtea, hei tā Henare e noho nei te kapa ki ngā turu kei o muri o te waka rererangi, he mate nui tērā mō āna kaitakaro tāroaroa ake nei, hēoi kei te aru tonu rātou i ētahi pūtea tautoko e neke whakamua ai rātou ki ngā turu hāneanea. Ahakoa he iti pea tērā, he pounamu ki a Henare.
Hei te Mahuru timata ai te whiringa whakauru tuarua ki a Hiria, Repanona me Jordan, ko ngā kapa angitu e toru ka riro tūranga ki te Ipu o te Ao ka tū ki Haina hei te tau e heke mai nei.
