'Tama Wairua, he Tama Tinana'

Kua tū mai a Norm Broughton, he Opango ō mua ki te tautoko, ki te ārahi hoki i tētahi tira tāne e whai ana ki te whakapakari i a ratou tinana. Ko te ingoa o te kaupapa ko Tama Wairua, he Tama Tinana.

I te nuinga o te hunga ki te Whanganui ā Tara e moe tonu ana e manawa peha rau ana taua tira tāne

Ko tā rātou whai ko te whakapakari i a rātou tinana i a rātou wairua hoki. Mo te nuinga he wero nui kia eke ki te tihi o te maunga.

Koia rā hoki te wawata a Fred Lefausio i pakia e te mate manawa i te Kohitātea kua pahure nei. Hei tāna kua matāra ia i taua tū ahuatanga, a kare ia mo te hoki atu.

Ko tāna, “i kikī taku uma i mauria ahau ki te hohipera i reira ka kī mai ngā takuta kua hē taku manawa.”

I ohorere ōna hoa i te rongo kua pākia e ia e te mate manawa nā runga i tana kaha ki te whakapakari tinana na reira kua whai wāhi rātou ki te tira hauora ki te tautoko i tā rātou hoa.

Ko tā Lefausio ko te mea nui ko te aru o te tangata ki te wakapakari i te tinana me te wairua, nā kona ka tāea e rātou te whakapakari i a rātou hauora.

Ka hāere tonu te kaupapa mo ngā wiki e waru kei te tu mai.