Koinei te rangi whakamutunga o te haerenga Pacific Mission a te Pirīmia ki Rarotonga.
Nō te ata nei pōhiritia ai te pirīmia a Jacinda Ardern ki te Kura Tuarua o Tereora ki te whakatūwhera i ētahi karāehe.
Tuia ki tēnā, ka peka atu a ia ki te tūtaki ki te hunga kua uru nei ki tētahi hōtaka whakangungu poitarawhiti, nā Aotearoa tonu te kaupapa i tautoko-a-pūtea nei.
Hei te ahiahi nei ka hākari tahi ia me ngā kaitōrangapū wāhine, ngā pakihi o te moutere me ētahi tātāriki o te hapori.
Tēnā tūhono atu ki a Te Kāea hei te pō nei mō te whānuitanga atu o ngā kōrero.
