Tau Henare finally calls it quits

He uri whakaheke no te mema paremata o mua no Ngāti Hine, ko Taurekareka Henare te ingoa.

Arā ngā pumanawa kua kitea, mai ano i te urutomonga atu o te Tau Henare o mohoa nei ki Paremata i te tau kotahi mano iwa rau iwa tekau ma toru, i raro i te korowai o Aotearoa Tuatahi.

Riro atu ana te tuuru Māori o Te Tai Tokerau o taua tau kowhiringa hoki ki a Henare.

Ka wehe mai ia i a Aotearoa Tuatahi, ka toromi te waka o tana ake roopu toranga pu, a Mauri Pacific engari ka hoki ora mai a Henare ki te ao Torangapu hei mema i runga i te rarangi o Nahinara i te tau 2005.

He Minita Take Māori o mua, koia hoki te heamana o Te Komiti Whaiti Māori inaianei, a, i marena a ia me tona hoa rangatira ki Matangireia.  Engari no naini ra, i tumanakotia a Henare ki te turanga hei Mangai mō Te Whare.

Puta ake ana ngā kōrero, na tana kore whiwhi i te turanga teitei o runga i te rarangi o Nahinara, i hika ai tēnei o ngā karere ko te wehe atu ia.

Ahakoa te karere kua puta, kahore a Henare e mohio ana, he aha kei tua mona.