Ko te whakamahi i te whenua he mahi māmā noa ki tenei kaipāmu e kore hoki he kai ako i tuaātu i tōna pāpā.
Ko tā Mathew Pooley, "Mai te ihiihi o te ngakau ki ngā mahi pāmu. He whai ake i nga tapuwae kaipāmu hipi kau a tōku matua , ki runga pāmu au i ngā wā katoa ā i kite au i tana ngākau nui mo te tiaki kararehe."
E mōhio mārika rawa atu a Polley mā te whakapau kaha ka puta ngā hua.
Ko tāna anō, "mo te taha ki ngā kau ko te paearu mahi. Ko tōku tirohanga e pēnei ana, ko tāu i whakatō ai ki roto i a rātou he nui ake ngā hua ka whiwhi i a koe."
Inā he pai ake ki te mahi ma tetahi hinonga Māori ki tēra o te kirimana tumataiti e puta ai he hua ki nga kaipāmu Māori.
I kīa nei a Polley, "ki ahau nei ko Ngāi Tahu Farming te hinonga orite ki te kapa ō pango, kei te arahi haere mātou kia whakapai ake i te ahua o to mātou kawe whakahaere hoki i ngā mahi."
Ma te kaha taunaki a te iwi ka marama kehokeho ai ki ngā pukenga kaiarahi, kaiwhakahaere hoki.
I mea mai a Pooley, "E kaha whāngai ana te iwi o Ngāi Tahi i ngā akoranga kaiarahi. I oti i ahau i tētahi wānanga kaiarahi ko tōna aronga me pēhea te mahi tahi me te tini ngerongero me ngā ahuatanga ako kei ā rātou."
Ko Pooley tētahi o te tokotoru i tae ki te kōwhiringa whakamutunga o te pō tohu whiwhinga o Te Ahu Whenua kaipāmu o te tau ā kaore ia i te huna i tana hīkaka.
I whakakōpanihia e Pooley me tēnei korero ōna, "E noho tino hūmarie ahau whakahīhī hoki. I uru atu au i tēnei kaupapa ahakoa te kōhete o ētahi he ahuatanga mīharo tonu ki ahau kia tae atu au ki te kōwhiringa mutunga o tēnei kaupapa."
Ka whakaputa i te kōrero ko wai ka hua ko wai ka toa i te taitara nei hei te pō Rāmere ki tōna pō tohu whiwhinga nui ki Ōtautahi.
