Te āhua nei ka kore te Pāti Māori e tautoko i te whakaturenga o te tarukino

E mea ana te Pāti Māori kaore rātou mō te tautoko i te whakaturenga o te hoko me te whakatipu tarukino, nō te mea he kai whai mōrearea nui tēnei mō te iwi Māori.  

Kua tahuri ake a Helen Kelly, heamana o mua o Te Kauae Kaimahi ki te tarukino hei whakamahu i ōna mamae, ā, ko tana karanga, me tū he uiui ā-motu hei whakamana i te rongoā nei.  E ai ki te Tuāpapa Tarukino o Aotearoa, me mātua aro ngā mana o te whare miere ki tēnei take.      

E ai ki te Tūāpapa Tarukino o Aotearoa, kei te ngoikore te tū a ngā kaitorangapū mō te take whakature tarukino.

Kei te tautoko kē te Pāti Māori i te whakamahi a ngā turoro i te tarukino hei rongoa, engari kāre pea rātou e tautoko i tōna whakaturehanga. E ai ki a Ross Bell, kei raro te Māori e putu ana i ngā ture tarukino o naianei.

I konei i Porirua, kei te tautoko katoa ngā kainoho i te whakamahinga o te tarukino hei rongoa.

Engari e totari wāhi rua ana mena rā me whakature ai te tarukino, kaore rānei, hei whakapārekareka i te tangata.

E whakahē ana a Bell i te whakatūhanga o te kowhiringa motuhake mo te take nei, engari me whai rongoā mo tenei take hauora, kaua mo te take taihara.