Te Aute revive old waiata through festival

Ko te taiopenga haka me te waiata ki Te Kura o Te Aute, he whakataetae ka whai kia whakaara ake anō i ngā waiata ō-mua o te kura. He kaupapa e kitea ana te hokinga mai o āna tauira o mua, tāne mai wāhine mai, nō ngā tōpito o te motu.

He hītori nui tō te kāreti o Te Aute, ka rangona taua hītori 150 ngā tau neke atu te roa hei tēnei wīkene.

E ai ki te tūmuaki o Te Aute a Shane Hiha, “It's going to be fantastic I'm really looking forward to it, all the old boys that are coming by all accounts they are preparing for their kapa haka competition.”

Hei tā te tumuaki tuarua a Te Hira Paenga, “Ko te whakahaere ētahi wānanga i ētahi whakaakoranga hei āki i te hunga rangatahi nei ki te whai i ngā mahi toi waita nei ngā kaupapa tuhituhi o roto tonu i Te Aute.”

He wā hoki kia whakahōnore i tētahi o o rātou tino minita a Anaru Takurua.

“The connection back with the old boys is really important to us they were here at the time that Anaru Takurua was here, a lot of them, and he influenced their lives and that's why they're coming back,” says Hiha.

Ka whai oranga anō ngā hīmene tawhito o Te Aute i te ahurei, ngā waiata Māori, Ingarahi hoki.

“Kua tae ki te wā e huri ai ngā ākonga tahito o Te Aute ki te whakapukapuka, ki te kapo ake i ngā waiata i ngā haka e hāngai ana ki tēnei reanga,” hei tā Paenga.

E toru ngā rā te roa o tēnei ahurei, tū ai ki te kāreti, timata ai hei te Rāmere tae noa atu ki te Rātapu,