Te Matatini mauri returns to Hastings

Ko te mauri o Te Matatini kua hoki anō ki Heretaunga, i tana haerenga ki ngā tōpito o Ngāti Kahungunu whānui i ngā tau e rua nei. Ko te mauri, ka tū, ko te mauri ka mau, hei kawe mā te iwi, nō rātou te mana whakahaere i te ahurei kapa haka nunui rawa o te ao, hei tērā tau.

Hei tā Hera Huata, o Te Kahu o Te Amorangi, “Kaikā katoa ana tātou i a Ngāti Kahungunu hikaka katoa ana tātou ki tēnei mahi rangatira nō mātou mana Atua ki te manaaki mai te katoa kia haeremai.”

Ko te kohatu iti nei te mauri, nō ngā pae maunga o Ruahine, i takohatia ki Te Matatini e Rangitane. Ko te kohatu nui, ko Tuhua, te kaitiaki o te mauri.

Hei tā Huata, “E ai ki te whakatauaki mā tini mā mano ka rangatira a kapa haka, ko te mauri o te tini hei tohu mō ngā kapa haka katoa nei o te motu kia haeremai ki kōnei ki Ngāti Kahugnunu.”

Ko tā te rōpū whakahaere, Te Kahu o Te Amorangi, ahakoa e toru marama noa iho e toe ana kei te eke rātou ki ngā pae.

E ai ki a Huata, “Rawe a mātou nei haerenga me o mātou whakaritenga mo Te Mataitini ka tae mai hei tērā tau.”

Ka tū te whakataetae ki te taiwhanga hākinakina ki Te Matau a Māui hei 22 - 26 o Pepuere, 15,000 te hunga ka tae atu ia rā.